შექმენით საუკეთესო მომავალი თქვენი შვილისთვის
300+ გახარებული მშობელი
დაწყებითი სკოლის მიზანია ინტელექტუალური, სულიერი და ფიზიკური თვისებების გამოვლენა და განვითარება; სწავლისათვის საჭირო საფუძვლების მომზადება მომდევნო, საბაზო საფეხურისთვის, რაც გულისხმობს:
კრიტიკული აზროვნების, არგუმენტირებული მსჯელობის, პრობლემის აღმოჩენისა და მისი გადაწყვეტის გზების მოძიების უნარების განვითარებას;
საკუთარი წარმატებისა თუ წარუმატებლობის მიზეზების გაანალიზების შესაძლებლობას;
ზოგადი საკომუნიკაციო უნარ–ჩვევების – წერა, კითხვა, მეტყველება, მოსმენა – ჩამოყალიბებას;
თანამშრომლობისა და ურთიერთპატივისცემის უნარ–ჩვევების განვითარებას.
შეფასება
დაწყებითი საფეხურის I-IV კლასებსა და V კლასის პირველ სემესტრში გამოყენებულია მოსწავლეთა შეფასების სხვადასხვა ფორმები:
ზეპირი და წერილობითი კომენტარი (განმავითარებელი შეფასება)– გამოიყენება მოსწავლის განვითარების ხელშეწყობისთვის, სწავლის ხარისხის გასაუმჯობესებლად. სასწავლო წლის განმავლობაში მოსწავლეები ფასდებიან ზეპირი და წერილობითი კომენტარებით.
შეფასების სქემები – ყოველი სემესტრის ბოლოს მშობელს მიეწოდება შეფასების სქემა, რომელიც შედგენილია ეროვნული სასწავლო გეგმის საგნობრივი სტანდარტების მიხედვით და ასახავს მოსწავლის მიღწევის დონეს ეროვნული სასწავლო გეგმით განსაზღვრულ მიზნებთან მიმართებაში.
პორტფოლიო – შეიცავს მოსწავლის მიერ შესრულებულ საშინაო, საკლასო და შემაჯამებელ ნამუშევრებს.
V კლასის მეორე სემესტრსა და VI კლასში მოსწავლეები ფასდებიან ნიშნებით.
პირობები
09:00-18:00სთ
სამუშაო საათები
10,000 ლარი
სწავლის საფასური
კვება
მოსამზადებელ ჯგუფში გათვალისწინებულია ოთხჯერადი კვება, ბავშვთა დიეტოლოგთან შეთანხმებული კვების რაციონის შესაბამისად.
გასაუბრება
მოსამზადებელ ჯგუფში მისაღებად სავალდებულოა ფსიქოლოგთან გასაუბრება.
ტრანსპორტირება
ტრასპორტირება შესაძლებელია მოთხოვნისამებრ.
საბუთები
მოსამზადებელ ჯგუფში ჩარიცხვის მსურველებმა გთხოვთ, წარმოადგინოთ შემდეგი საბუთები:
განცხადება სკოლის დირექტორის სახელზე;
დაბადების მოწმობის დედანი/ნოტარიულად დამოწმებული ასლი;
ორი ფოტოსურათი – 3×4;
ჯანმრთელობის ცნობა;
ცნობა მშობლების საქმიანობის შესახებ;
მშობლების პირადობის მოწმობის ასლები.
საბანკო რეკვიზიტები
შპს ლამარა მარგველაშვილის სახელობის სკოლა XXI საუკუნე
GE49TB7149136080100002
GE29BG0000000120037400
სადამრიგებლო პროგრამა
სკოლაში სასწავლო და აღმზრდელობითი პროცესის ორგანიზებულად მართვის საქმეში კლასის დამრიგებელს უმნიშვნელოვანესი როლი ეკისრება. დამრიგებელი, საგნის მასწავლებელსა და ფსიქოლოგთან ერთად, დაწყებითი საფეხურის მოსწავლეს ეხმარება სასკოლო გარემოსთან ადაპტაციაში, უყალიბებს სასწავლო ჩვევებს, თანამშრომლობისა და კომუნიკაციის უნარებს.
სადამრიგებლო პროგრამის უკეთ განხორციელების, მასწავლებელსა და მშობელს შორის ეფექტური კომუნიკაციისთვის სკოლაში ვიყენებთ ელექტრონულ ჟურნალს და მოსწავლის დღიურს.
